Zagayen farko na Muhawarar Bakandamiya 2020 ya kammala

Alhamdulillahi cikin yardan Allah mai kowa mai komai an kammala zagaye na farko na gasar muhawarar da a yanzu haka ake gabatarwa a taskar Bakandamiya mai taken, Muhawarar Bakandamiya 2020. An kammala zagayen ne kuma a ranar 9/1/2021. Wannan zagayen shi ya fi duk zagaye-zagaye guda shida da mahawara ta kunsa tsayi da kuma yawan karawa da kungiyoyin marubuta za su ka yi.

Ga takaitaccen bayani game da wannan zagaye da kuma nasarori da aka samu.

Yawan rukunai da kuma karawa da aka yi

A wannan zagayen an fafata ne da kungiyoyi daban-daban da ke cikin rukunai guda takwas (8) da wannan gasa ta kunsa. Kowani rukuni akwai kungiyoyi guda hudu, kungiyoyi 32 ke nan duka, inda suka fatata a tsakaninsu a karawa har guda shidda; wato ko wacce kungiya ta samu daman karawa har sau uku ke nan a bangarenta a cikin rukuninta. Duk da cewa an samu wasu kungiyoyi kalilan da ba su halarci dukkanin karawarsu uku ba, to amma akasarin kungiyoyi sun halarta har zuwa kai karshen wannan zagaye.

Kungiyoyin da suka yi nasara

Kamar yadda aka tsara wannan muhawara, a karshen wannan zagaye wasu daga cikin kunyoyin za su ci gaba idan suka yi nasarar zuwa na daya (1^st) ko na biyu (2^nd), sannan wadanda suka zo na uku (3^rd) da kuma na hudu (4^th) za su bar gasar. An tantance nasarar kungiyoyi ne ta hanyar yawan maki da suka samu a rukuninsu.

Ga yadda abin ya kasance kamar haka:

1. Rukunin Bature Gagare

Kungiyoyin da suka yi nasara a wannan rukuni da kuma yawan makin da suka samu sun hada da;

1^st Haske Writers Association = Maki 218

2^nd Potiskum Writers Association = Maki 210

2. Rukunin Balaraba Ramat Yakubu

Kungiyoyin da suka yi nasara a wannan rukuni da kuma yawan makin da suka samu sun hada da;

1^st Nguru Writers Association = Maki 215

2^nd Zaman Amana Writers Association = Maki 213

3. Rukunin Dan Azumi Baba Cediyar ‘Yan Gurasa

Kungiyoyin da suka yi nasara a wannan rukuni da kuma yawan makin da suka samu sun hada da;

1^st Hazaka Writers Association = Maki 242

2^nd Inside Arewa Wrters Association = 234

4. Rukunin Ado Ahmad Gidan Dabino, MON

Kungiyoyin da suka yi nasara a wannan rukuni da kuma yawan makin da suka samu sun hada da;

1^st Nagarta Writers Association = Maki 250

2^nd Proficient Writers Association = Maki 221

5. Rukunin Muhammad B. Zakari Kafin Hausa

Kungiyoyin da suka yi nasara a wannan rukuni da kuma yawan makin da suka samu sun hada da;

1^st Guild Writers of Nigeria = Maki 239

2^nd Hakuri da Juriya Writers Association = Maki 237

6. Rukunin Dr. Bukar Usman, OON

Kungiyoyin da suka yi nasara a wannan rukuni da kuma yawan makin da suka samu sun hada da;

1^st Zamani Writers Association = Maki 235

2^nd Gamzaki Writers Association = Maki 229

7. Rukunin Talatu Wada Ahmad

Kungiyoyin da suka yi nasara a wannan rukuni da kuma yawan makin da suka samu sun hada da;

1^st First Class Writers Association = Maki 240

2^nd Karamci Writers Association = Maki 236

8. Rukunin Farfesa Yusuf Adamu

Kungiyoyin da suka yi nasara a wannan rukuni da kuma yawan makin da suka samu sun hada da;

1^st Marubuta Kare Hakkin Al’umma = Maki 245

2^nd Kainuwa Writers Association = Maki 237

Kammalawa

A karshe, kamar yadda ku ka gani a sama, kungiyoyi 16 ne su ka samu wucewa zuwa zagaye na biyu. Muna taya su murna matuka. Sannan a bangaren kungiyoyi 16 da basu samu daman wucewa ba kuma, muna yi musu fatan alkhairi da godiya bisa ba mu hadin kai da suka yi domin kaiwa wannan matakin. Insha Allah gasar muhawara za ta ci gaba kamar yadda aka tsara da zagaye na biyu a ranar 13/1/2021 mai zuwa.